La corâl gurizane e ‘sconfine’ par une altre Vie Crucis

Daspò dal conciert dut plen intal Domo di Gurize ai 5 di Avrîl, la corâl Seghizzi e je stade invidade a replicâ la “Vie Crucis” di Franz Listz ancje ae Castagnevizza, il convent pôc di là dal ex confin. Il conciert si tignarà miercus ai 19, tacant aes 7.45 sot sere inte glesie de Anunziazion dongje dal convent. I soliscj a son Perotti e Eugenio Leggiadri-Galliani, al orghin Antonio Stacul, direzion di Cristina Cristancig. “Pe Corâl Seghizzi – al dîs il President de associazion storiche, Roberto Madotto – al è un apontament impuartant, il prin di là dal ex confin dopo il rinovament e il potenziament dal organic”. (A.I.) – 18.04.2023