Presentât a Udin dal president Roberto Corciulo e dal diretôr artistic Giacomo Pedini, il Mittelfest chest an al à sielt il teme “inevitabil”. La trentesime tierce edizion de rassegne de Mitteleurope, che dai 21 ai 30 di Lui e presentarà a Cividât 29 progjets artistics di 12 Paîs, al vûl dâ ispirazions origjinâls a un futûr ancjemò dut di scrivi, messedant i lengaçs: musiche, teatri, danze, circ. Dal 18 ai 21 di Mai, si scomence cui 9 spetacui de rassegne par zovins che di trê agns e dâ une poie concrete aes gnovis gjenerazions, Mittelyoung. Tra i protagoniscj a Lui, Nicola Piovani, Haris Pasovic, Alexander Gadjiev, cun gnûfs progjets. In plui, la schirie di events sul teritori fin a Dicembar che e cjape il non di Mittelland. (A.I.) – 18.04.2023
149
