La storie di Van Gogh dentri i siei cuadris

Un viaç dentri des oparis di Van Gogh, cul acompagnament des musichis di Franco Battiato: al è chel che si podarà fâ joibe ai 20, al Teatri Verdi di Gurize, cul spetacul “Gli ultimi giorni di Van Gogh (I ultins dîs di Van Gogh)”, di e cun Marco Goldin, L’innomenât critic di art al conte sul palc lis ultimis setemanis de vite di Vincent Van Gogh, compagn che intal volum cul stes titul, là che si imagjine un diari dal artist. Ae atmosfere spirituâl e poetiche, inricjide des imagjins cun proiezions laser di definizion cetant alte, a contribuissin lis musichis scritis di Battiato trente agns indaûr. (A.I.) – 19.04.2023