A Cjasarse il vin si bêf, ma ancje si ‘scolte’

Lis gnovis etichetis dai vins cu lis declarazions nutrizionâls, la sostignibilitât intai teritoris dal Prosec, il vin al feminin, libris a teme e une panoramiche sul vin intal Egjit antîc e inte Aquilee romane a son dome une part dai argoments di aprofondiment tecnic e culturâl inmaneâts ae Sagre dal Vin di Cjasarse, dai 21 di Avrîl ai 2 di Mai. Sabide ai 22 in Sale consiliâr, la prime cunvigne in regjon su “La gnove etichete dai vins” e la presentazion dal libri “Di terra e di vino” di Matteo Bellotto. Il dì dopo, la conte di trê chef feminis che a interpretin la cusine cun talent e creativitât: Sabina Joksimovic, Florina Enache e Anna Barbina. (A.I.) – 20.04.2023