A Udin e tache la maratone di cine orientâl

Al scomence vinars ai 21 a Udin il vincjesim cuint “Far East Film Festival”, l’osservatori european plui grant dedicât al cine popolâr dal Orient. Par nûf dîs, fin ai 29 di Avrîl, Udin e esplorarà il planet Asie traviers il cine, ma ancje cul gjornalisim di atualitât, il gjornalisim culturâl zovin, la art visive, lis conessions tra Orient e Ocident te industrie e avigniments varis. Tra i 78 titui di 14 Paîs, cun 9 anteprimis mondiâls, 13 internazionâls, 14 europeanis e 23 talianis, si tache cuntune retrospetive sui Agns ‘80 e ‘90 e soredut al Teatri gnûf “Giovanni da Udine” cun “Bad Education”, une comedie nere di un talent zovin dal cine taiwanês, Kai Ko. (A.I.) – 20.04.2023