158
Lis feminis a son il teme de decime novesime edizion di “èStoria”, festival internazionâl di storie, che si fasarà dai 22 ai 28 di Mai intes sedis culturâls principâls dal centri di Gurize, cun cuasi 200 avigniments di caratar internazionâl, passe 300 ospits e almancul un centenâr di colaborazions dentri di un festival tematic madûr e dai conotâts culturâi precîs. A vierzi la manifestazion e sarà la tierce edizion dal “èStoria Film Festival”, intune zornade penze, cu la vision di “Estasi” (1933) il cine scandalôs dal 1933 cu la prime secuence di crot integrâl de storie dal cine, e la premiazion di Marina Piperno, la grande produtore taliane che e à passât dut il secont Nûfcent. (A.I.) – 20.04.2023
