Pordenonelegge al cîr i ‘agnui’ pal festival

A son un dai pilastris des zornadis dal festival “Pordenonelegge”: i “Agnui” di simpri a stan dongje de machine organizative de fieste dal libri cui autôrs, promovude de Fondazion Pordenonelegge.it, par curâ i aspiets operatîfs de manifestazion e fâ in mût che public e autôrs a puedin dedicâsi cun serenitât ai incuintris. A son une schirie solâr di 200 elements, plui o mancul zovins. Chei plui zovins, fantats e fantatis dai 16 ai 25 agns, a puedin mandâ la proprie candidature cuntun messaç di pueste eletroniche sul sît dal festival di martars ai 2 di Mai. Partecipâ in maniere ative ae realizazion dal festival al furnìs struments bogns par imparâ a lavorâ in scuadre o condusi grups, e jessi un “Agnul” di Pordenonelegge al è deventât un element grât aes aziendis intal inviament di un rapuart di lavôr.  (A.I.) – 24.04.2023