A Palme al tache il concors internazionâl par 1.100 musiciscj zovins

Une inaugurazion ‘dal vîf’ al Teatri “Modena” di Palme, miercus ai 26, par vierzi uficialmentri la decime prime edizion dal Concors musicâl internazionâl – Premio Unesco. Une serade zovine e passionade, compagne di cheste competizion che e spiete in citât plui di 1.100 musiciscj in gare di une ventine di Paîs, par dôs setemanis di entusiasim in musiche, inmaneadis ae Academie musicâl “Città di Palmanova” in sinergjie cul Comun de Citât Unesco. Pe prime volte insiemi, propit pe serade di viertidure, la Fvg Orchestra, istituzion regjonâl musicâl e sinfoniche cun sede propit a Palme, e la pianiste Chiara Bleve, un talent di sedis agns, vincidore dal concors l’an passât e cun za plui di 50 Premis in sachete. (A.I.) – 25.04.2023