Organizât di Cia Fvg – Agricoltori Italiani, si fasarà a Codroip, inte sale polifunzionâl de Associazione Allevatori (vie XXIX Ottobre, 9/B), miercus ai 3 di Mai, tacant des sîs e mieze di sere, un moment di aprofondiment tecnic su la gnove Politiche agricule comunitarie (Pac).
A parteciparan il president de organizazion agricule, Franco Clementin, Domenico D’Amato, diretôr dal Centri di Assistence Agricule/Cia- Agricoltori Italiani Fvg (I ecoschemis); Pasquale Plicato, responsabil nazionâl dal Centri Assistence Agricule (La condizionalitàt inte gnove Pac 2023-2027) e Karen Miniutti, de Direzion centrâl Risorsis agroalimentâr de Regjon F-Vj (Intervents di disvilup rurâl inte gnove Programazion). L’incuintri al sarà moderât de coordenadore di Agricolae srl, Tamara Battistutta, intant che lis conclusions a saran rimetudis a Stefano Zannier, assessôr regjonâl aes Risorsis agroalimentârs. (A.D.G.) – 28.04.2023