Volley: Martignà e rinunzie a zuiâ in A2

La ITAS Martignacco no parteciparà al campionât di A2 di bale a svol feminine l’an che al ven. La decision, uficializade de societât, e rive ae fin di une stagjon che le veve viodude cualificâsi pal ziron di promozion, intune cun chê altre scuadre furlane, la CDA Talmassons. Une sielte sufierte che e puartarà a no iscrivi la scuadre intal secont massim campionât di bale a svol. “Il volontariât nus à sostignût simpri – si lei inte note uficiâl – ma lis gnovis normis sul lavôr sportîf nus imponin une revision de struture societarie. Par cheste reson, o calcolìn responsabil e oportun rinunziâ, pe prossime stagjon, ae Serie A2, une categorie che nus à regalât grandis emozions, ma che e à assorbît ancje cetant dal nestri impegn”. (A.I.) – 03.05.2023