Trienâl de incision: i venits in Friûl

Joibe ai 4 aes 6 dal dopomisdì, inte Galarie di art antighe li dal Cjistiel di Udin, si scree la mostre “Sotto l’ala del Leone di San Marco. Gli incisori veneti nella Patria del Friuli 1420 – 1797”. Inmaneade de Trienâl europeane de incision, ae sô cuarantesime prime edizion, la mostre e complete il program di ativitât proponût pal aniversari de anession dai teritoris dal Friûl ae Serenissime, par meti a fûc la vivarose trame culturâl e artistiche cun Vignesie. Il lunc viaç intal timp traviers il Friûl si concentre in cheste edizion te ativitât dai principâi incisôrs venezians in tiere furlane: une produzion par un public simpri plui ampli di colezioniscj, fondamentâl pe cognossince e la divulgazion des oparis di art. (A.I.) – 03.05.2023