Ilustrazions e contis a S. Zorç di Noiâr

In gracie de disponibilitât dal Infopoint di S. Zorç di Noiâr, dai 6 ai 27 di Mai, intai spazis al plan tiere dal edifici Liberty, si podaran viodi lis mostris “Ilustradoris e ilustradôrs contemporanis in Friûl tal Lunari e Strolic furlan pal 2022” e “Contis popolârs furlanis pe scuele/Racconti popolari friulani per la scuola”, dedicadis aes pagjinis dal diari Olmis 2022/23. Sabide ai 6, aes 10 e mieze di buinore, e je in program la visite vuidade ae mostre “Il teatro disegnato e altre immaginazioni” di Gek Tessaro, in compagnie di Emanuele Bertossi (si scuen notâsi al 0431 620281). Ae fin dal percors si podarà viodi ancje la mostre in Infopoint, che e ten dongje i lavôrs di 25 artiscj dal Friûl e che e je par cure de Societât Filologjiche Furlane e dal Docuscuele. (A.I.) – 04.05.2023