166
Al sarà derby tra Udin e Cividât par decidi cui che al podarà lâ indenant cul sium di rivâ in A1. Dopo lis ultimis dôs vitoriis in trasfierte intal campionât di bale tal zei di A2 (84-80 a Piacenza la Ueb, 96-93 a Turin la Apu), il cartelon al puarte pai “play-off” un scuintri che nissun si sarès spietât al prin campionât di A2 di Cividât: chel cun Udin, che e varà a disposizion il fatôr cjamp, zuiant la prime partide in cjase. Intal campionât di A2 che al vignarà, intune cun almancul une des scuadris furlanis, e sarà dal sigûr la Pallacanestro Trieste, cessade de A1 dopo vê pierdût cun Brindisi. (A.I.) – 08.05.2023
