Corse par Haiti intal non di Cainero

Un grant event di sport, un libri celebratîf, la sensibilitât di simpri e une atenzion massime ae solidarietât. La associazion Chiarcosso Help Haiti e Pane Condiviso Odv a àn presentât la edizion numar 30 de “Granfondo Corsa per Haiti”, in calendari domenie ai 21 di Mai. La corse e puartarà su lis stradis de zone di Cividât e des Vals de Tor e dal Nadison centenârs di cicliscj e e sarà su doi percors: la Granfondo di 150 chilometris e la mediofondo di 104. Ducj i doi a varan partence e rivade a Cividât, ancje se no te aree devant dal palasport. La trentesime edizion de Granfondo e sarà dedicade a Enzo Cainero, cuntun premi speciâl intal so non a cui che al fasarà il miôr risultât su la Madonute dal Domm. (A.I.) – 08.05.2023

Foto Petrussi