Piano Fvg, la finâl chi di un an

Si è sierade a Sacîl la gnove edizion dal concors pianistic internazionâl Piano Fvg, tra lis competizions plui prestigjosis a nivel mondiâl. In gare passe 40 pianiscj di ben 11 nazions diviersis, dai 17 ai 32 agns, sot dai voi atents di une jurie internazionâl vuidade de innomenade pianiste slovene Dubravka Tomšič. Cheste prime fase dal concors e à viodût la assegnazion di cinc premis speciâi, lâts al talian Ruggiero Fiorella, al polac Lukasz Wilga, a Supawee Srisurichan (de Tailande), ae gjaponese Mayaka Nakagawa e al rus Vladimir Skomorokhov. La gnove formule bienâl dal concors e puartarà chescj cinc concorints a sfidâsi pal prin puest assolût chi di un an, te Vierte dal 2024. (A.I.) – 08.05.2023