Prime sentade consiliâr dal gnûf Consei comunâl a Udin, cu la proclamazion di Rita Nassimbeni prime femine presidente dal consei a Udin. La ex assessore de zonte Cecotti, daspò 14 agns di assence de sene politiche, e je tornade a Palaç D’Aronco dulà che lunis dopomisdì e je stade elete ae vuide de assemblee citadine. No son mancjadis lis sorpresis, tacant de sielte – za anunziade – di dirotâ il prin avigniment de ere-De Toni in Sale Ajace. Doi i câs principâi vignûts fûr: chel di Anna Paola Peratoner (Pd), che al à tacât il sindic e il propri partît par no vê cjatât spazi in zonte cundut dal alt numar di preferencis, e chel di Stefano Salmè, che al à otignût la presidence de Comission Statût, dividint di fat in doi la oposizion. (A.I.) – 09.05.2023
234
