Dopo i fats sucedûts in ocasion de partide Udinese-Napoli dai 4 di Mai passâts ae “Dacia Arena”, tal contest dai prins arescj diferîts fats de locâl Digos, il Cuestôr di Udin al à mandat fûr lis prins 8 improibizions di acedi aes manifestazions sportivis (Daspo) viers dai tifôs di dutis i dôs lis scuadris, notificadis in chestis oris.
Lis improibizions de durade cjapade dentri tra i 4 e i 10 agns, dôs di chestis cun oblic di firme in concomitance cui incuintris dal Udinês, a son stadis fatis pai compuartaments violents aciertâts sul cjamp di zûc.
A son in cors altris aciertaments e investigazions par individuâ ducj i responsabii dai compuartaments ilecits par altris deferiments ae Autoritât Judiziarie e la adozion di proviodiments aministratîfs. (A.D.G.) – 09.05.2023
