Al è grâf il turist colât su la piste ciclabile Alpe Adria a Scluse

Al è in cundizions gravis il turist in biciclete colât chest dopomisdì dilunc de Ciclovie Alpe Adria a Scluse. L’om, di plui o mancul 63 agns di etât, forest, al è stât socorût dal personâl sanitari intervignût sul puest cuntune ambulance rivade di Scluse e l’elisocors. Il ferît al è stât traspuartât in svol al ospedâl Sante Marie de Misericordie di Udin. (A.D.G.) – 09.05.2023