Il ‘bestiari’ di Toffolo tra cjançons e dissens

Cu la curiositât, la spirtosetât e il “sens dal maraveôs” di un esploradôr dal Votcent, insiemi ae ironie soradine e che e beche di une rockstar indipendente, il pordenonês Davide Toffolo al presente “Bestiario” joibe ai 11 aes 9 sot sere al Capitol, propit inte sô citât: un spetacul di musiche, peraulis e dissen dal vîf. Il bestiari dal fumetist, ma ancje cjantant dai ‘Tre allegri ragazzi morti’, al è une galarie di dissens che a àn par protagoniscj i animâi, tacant de caverne dal neolitic dulà che al è nassût il dissen. A saran duncje cjançons, storiis contadis, dissen dal vîf e reperts dal secul passât par capî cemût che al jere il nestri amôr pai animâi. (A.I.) – 10.05.2023