Une mostre pe anteprime di “èStoria” a Gurize

Anteprime de decime novesime edizion dal festival “èStoria”, a Gurize, cu la mostre des artistis Renza Moreale e Maddalena Valeri, che si scree sabide ai 13 aes 6 dal dopomisdì li de galarie Prologo. La esposizion titulade “Contraddizioni / Parole” e je leade al teme de rassegne, “Donne”, e ancje a un incuintri, “Donne Arte Poesia Letteratura: un alfabeto di passioni”, che si tignarà in Sale “Dora Bassi” ai 26 di Mai. I doi avigniments si realizaran in graciis de propueste di partecipazion che la Associazion gurizane Prologo e à fat al DARS – Donna Arte Ricerca Sperimentazione di Udin, che al svante une lungje storie di iniziativis su tematichis di gjenar e al è nassût ae fin dai agns ’70 di une intuizion di feminis straordenariis tant che Dora Bassi, Elsa Buiese, Maria Teresa De Zorzi e tantis altris. (A.I.) – 11.05.2023