A son stâts celebrâts vuê, intal Domo di Udin, i funerâi dal maiôr Alessio Ghersi, pilote des Frecce Tricolori, che al à pierdût la vite cuntun parint, Sante Ciaccia, ai 29 di Avrîl intun incident cuntun ultralizêr precipitât su lis monts di Lusevare.
La bare, spietade di un pichet di onôr inschiriât sot de ploie in place Domo, e je stade puartade in glesie su lis spalis di chei altris pilotis des Frecce Tricolori.
Inte omelie, il sacerdot che al à stât da cjâf de celebrazion eucaristiche al à sotlineât i valôrs che a àn ispirât la vite di Alessio Ghersi: la umiltât, il don di se e la indurance par rivâ ai obietîfs, “valôrs che al consegne ai zovins, a dute la comunitât e a oms e feminis de Aeronautiche militâr parcè che ju puartin indenant”.
Dal pulpit e à fevelât pe famee la femine Jenny, supuartade di chês altris feminis dai pilotis de Pan. “Tu sês stât la mê anime zimule e un pari fantastic pai nestris fruts” e à ricuardat tra lis lagrimis. (A.D.G.) – 11.05.2023
