Doi miedis a van jù sul parquet par socori un zuiadôr di basket infortunât, ma il judiç sportîf al multe la societât par invasion di cjamp: al è sucedût intune partide dai playoff di Serie C Silver tra Vis Spilimbergo e 3S Cordenons.
Su la vicende e je intervignude la sezion dal Friûl-Vignesie Julie de Federazion miedis sportîfs talians, che si è apelade al sintiment e e à domandât l’anulament de multe.
“Il nestri associât Luigi Blarasin, miedi sociâl dal Spilimberc – al à sclarît il president regjonâl FMSI Fernando Agrusti – intal prestâ socors a un zuiadôr colpît al lavri, al à domandât a un coleghe presint sui spalts tant che spetatôr di recuperâi dal materiâl par une suture plui zovevule. Il coleghe intal puartâ il materiâl al è jentrât inte aree daûr i comissaris di cjamp, ma no sul retangul di zûc. Di li in curt al è rivât adun cun Blarasin te infermarie. Un intervent necessari il lôr, viodût che dopo al zuiadôr, lât in maniere svelte al pront socors, a son stâts dâts siet ponts di suture”. (A.D.G.) – 11.05.2023
