182
Lis elezions comunâls par elei i gnûfs sindics di Paluce e Turiac si tignaran tra i 15 di Avrîl e i 15 di Jugn dal an prossim.
Dopo la elezion in Consei regjonâl dai rispetîfs prins citadins, Massimo Mentil e Enrico Bullian, la Zonte regjonâl e à proviodût di siolzi i doi conseis comunâi.
Fin ae Vierte dal 2024, i doi Comuns a continuaran a jessi rets dai conseis di cumò e des zontis in cjarie, intant che lis funzions di sindic a vignaran fatis dai vicesindics rezidôrs, o sedi Luca Scrignaro par Paluce e Nicola Pieri par Turiac. (A.D.G.) – 12.05.2023
