Intal cors de gnot di sabide ai 13 di Mai, a son stadis denunziadis in stât di libertât trê feminis, che a rivavin di Cremone, cjatadis in flagrance a tacâ dai adesîfs dai contignûts ofensîfs viers i Alpins e il gjenerâl Francesco Paolo Figliuolo. I adesîfs a jerin stâts tacâts sui pâi de iluminazion publiche e indulà che si spiete l’autobus di tantis viis de part Nord-Est de citât. In particolâr, viers lis 4 di matine, une patulie de Digos in servizi di vigjilance e à cjatât lis trê feminis argagnâ dongje une fermade dal autobus ae fin di Viâl Triest.
A vignivin notâts daurman doi adesîfs e ancje altris tacâts dilunc de vie. La patulie e à corût daûr aes trê feminis, che a son stadis identificadis, percuisidis e denunziadis ae Autoritât judiziarie pai reâts di vuastament e par vilipendi de Republiche. Ben 186 i adesîfs secuestrâts. (A.D.G.) – 15.05.2023
