Derby di bale tal zei: vitorie di Cividât

La prime partide dal derby dai cuarts di finâl di play-off par tentâ di lâ sù in A1 e je lade ae Ueb Gesteco Cividât, ae fin di une gare tant apassionante e a butadis ancje spetacolâr. Debut negatîf in cjase (dulà che e veve pierdût za in campionât), invezit, pe Apu Old Wild West di Carlo Finetti, jessude dal PalaCarnera di Udin batude par 82-88: cumò e à di cirî di ribaltâ il risultât za miercus di sere a Cividât. Miôr zuiadôr in cjamp pai udinês, l’american Emanuel Terry, a pene rivât di Triest. (A.I.) – 16.05.2023