Ultime serade par “Jazz in Emotion”, joibe ai 18 des 7 sot sere, al Tiare Shopping intal spazi di EmotionHall. L’otâf e ultin conciert al ospite Javier Girotto & Aires Tango, une formazion ispirade ae musiche latin-americane, cun plui di mil concierts in dut il mont. Prime de musiche dal vîf, la cerce di une selezion di vins des siet cantinis ospitis, compagnâts a prodots tipics dal teritori. Il Moviment Turisim dal Vin F-Vj al inviarà cussì la trentesime edizion di “Cantine aperte” intune suaze particolâr, dopo vê creât par dut l’an une sinergjie uniche, un pont di incuintri tra musiche, vin e golosariis dal teritori. (A.I.) – 16.05.2023
Il jazz al Tiare al anticipe “Cantine aperte”
142