Arestâts a Pordenon dopo jessi stâts cjatâts cun armis e droghe

A son stâts arestâts daurman dopo che i agjents de Scuadre Mobile di Pordenon, inte lôr abitazion a pôcs metris de citadele de salût, a àn cjatât intune borse une pistole semiautomatiche Glock Zev, doi cjariadôrs cun cartatucjis calibri 9, un chilo di cocaine e un belancin di precision digjitâl. Al è un citadin albanês di 42 agns e la sô morose, une fantate taliane di 21, cjatâts ancje cun 10.840 euros in contants in biliets di tai piçul.

Ducj i doi pluriprejudicâts e domiciliâts a Pordenon, a son stâts arestâts. Il Gip al à validât za i arescj e mandât fûr par ducj i doi une ordenance di custodie cautelâr in preson. (A.D.G.) – 16.05.2023