Il predi contadin che nol voleve fâ il vescul

La vite, i pinsîrs, i problemis e lis sodisfazions di bonsignôr Pietro Cocolin (1920-1982), il prin vescul furlan de arcidiocesi di Gurize, a son al centri de presentazion dal libri “Non lasciatemi solo”, publicât di Pier Paolo Gratton par Forum. Joibe ai 18 a palaç Mantica a Udin, aes 4 dal dopomisdì inte suaze de Setemane de Culture furlane inmaneade de Societât filologjiche furlane, l’autôr al dialogarà cun Andrea Bellavite par contâ la vite dal predi-contadin che nol voleve fâ il vescul. E che al à passât i agns plui dificii de glesie gurizane, tra sburtadis progressistis e ancoraments reazionaris. (A.I.) – 17.05.2023