La Fiere dai vins di Buri si prepare cuntune cunvigne

Intant che al è daûr a cjapâ cuarp il program de edizion nonantesime (dai 9 ai 11 di Jugn), la Fiere regjonâl dai vins di Buri e propon une anticipazion sabide ai 20 aes 10.30 di matine, intal parc de Vile di Toppo-Florio. La cunvigne “Vita dalla vite” e previôt intervents di Bepi Pucciarelli, gjornalist enogastronom che al fevelarà di ‘cent agns di culture di ostarie’, l‘agronom Enos Costantini, che al tratarà doi secui di varietâts vinifaris in Friûl e il storic Gabriele Caiazza, che al contarà i nonante agns de fiere di Buri, chê plui antighe dal Friûl. L’apontament al è ancje dentri dal program de Setemane di Culture furlane de Filologjiche. (A.I.) – 18.05.2023