A teatri ancje cuntune disabilitât

Prime tape a Udin, di lunis ai 22 a miercus ai 23, par un progjet che al vûl promovi la inclusion culturâl e facilitâ la partecipazion di personis cun disabilitât a avigniments di danze o teatri. “Zero gradi di separazione”, inmaneât de associazion Quarantasettezeroquattro, al vûl jessi il principi di un cjamin par contrastâ la esclusion dai artiscj e des artistis disabilis e facilitâ l’acès dal public cun disabilitât traviers azions concretis. La prime tape dal progjet e viodarà propit di formâ artiscj, operadoris e operadôrs dal spetacul dal vîf traviers un cors di pueste. (A.I.) – 22.05.2023