Al ‘Bon’ al è il moment dai saçs de fin dal an

Il Teatri “Luigi Bon” di Culugne al è pront a presentâ i saçs de fin dal an dai cors di musiche e dai laboratoris teatrâi de sô Fondazion. Di martars ai 23 di Mai fint a joibe ai 15 di Jugn a laran sù sul palc arlêfs di ogni etât, che di Otubar a frecuentin lis lezions de Citât de Art e de Musiche. I apontaments si alternaran tra spetacui teatrâi, concierts classics e di musiche moderne, par une vere maratone artistiche e musicâl. Tra i avigniments, ai 3 di Jugn “La ballata dei castagni”, là che a saran protagoniscj i arlêfs plui piçui di educazion musicâl e teatri, adun cu la Corâl des Vôs Blancjis, e ai 11 di Jugn la Orchestre dai fantats. (A.I.) – 23.05.2023