Incident mortâl sul lavôr a Marian

Infortuni tragjic sul lavôr cheste gnot, tor lis 1.30, intune ativitât produtive inte zone industriâl di Marian dal Friûl. Par causis in cors di aciertament, un operari di 30 agns di Cormons, Nicholas Nanut, al à pierdût la vite dopo jessi restât sfracaiât di un machinari indulà che al jere daûr a lavorâ ae APS Arosio Extrusion.

L’ecuipaç di une ambulance rivade di Gardiscje e l’elisocors a son intervignûts sul puest e a àn praticât al zovin lis manovris salvevite, risultadis magari cussì no dibant: ai sanitaris nol è restât altri di fâ se no decretâ il decès dal sfortunât lavoradôr.

I carabinîrs de Compagnie di Gardiscje a son daûr a indagâ par ricostruî il fat. (A.D.G.) -23.05.2023

Cjale il video