Agriculture sociâl cuintri il discomut

Il contat cu la nature e i animâi al jude a curâ il discomut traviers la inclusion. Al è daûr a sperimentâlu la Aziende sanitarie universitarie dal Friûl di Mieç cul progjet di agriculture sociâl “XTe XTre xTutti”, che al nas di une taule di lavôr formade ancje cun operadôrs de agriculture sociâl e sostignût de Fondazione Friuli. La iniziative e cjape dentri trê cjasâi sociâi de zone di Cividât, “Il giardino del chiostro”, “Il monte del re” e “La casa del tempo”, in colaborazion cul centri di salût mentâl. La presentazion joibe ai 25 des 9.30 de buinore intal cjasâl “Il giardino del chiostro” a Rualis”.  (A.I.) – 24.05.2023