La liriche e torne intai parcs e intai cjistiei dal Cuei

Il “Piccolo Opera Festival” al rive ae decime seste edizion, intai lûcs plui biei dal Cuei e de zone di Gurize, di ca e di là dal confin, dai 21 di Jugn ai 16 di Lui: sedis apontaments tra musiche liriche e di cjamare, ospitâts intai parcs, intes cjasis storichis, intai cjistiei plui biei de zone. Il diretôr artistic Gabriele Ribis al à sielt tant che teme dal an “Risvegli”, cu la volontât di lassâsi daûr la pôre e concentrâsi sul futûr. Ancje cheste volte, il centri de rassegne al sarà il palc naturâl dal Teatri di jerbe dal Cjistiel di Spesse a Caprive, che al ospite “La sonnambula” di Bellini in omaç a Maria Callas intal centenari de nassite. Previodude ancje la anteprime di “GO! Borderless Opera”, comissionade dal Festival a doi artiscj di mancul di 35 agns. (A.I.) – 24.05.2023