Dut al è pront pe vincjesime tape dal “Giro d’Italia”, la crono scjalade de Mont sante dal Lussari, che sabide ai 27 e sierarà in pratiche la lungje manifestazion sportive nazionâl, ancje se domenie e sarà la ‘sfilade’ intal circuit citadin di Rome. Cuasi 20 km di percors là che lis trê batariis di atletis, partint di Tarvis e passant la ciclabile “Alpe Adria” e la Val Saisare, a rivaran in mût frazionât al Santuari de Mont sante dal Lussari a 1.729 metris, dopo une rive cun pendencis fint al 20%. Un percors volût a fuart di Enzo Cainero, il pari des tapis furlanis dal lontan 2003, muart tal Zenâr stât. Si spietin almancul 18 mil spetatôrs par une altre tape storiche in Friûl che, viodudis lis carateristichis dal lûc, e domande la presince di almancul 600 volontaris. (A.I.) – 26.05.2023
135