223
Il festival “Dialoghi”, chest an ae sô otave edizion cun sottitul “resistencis e bielece”, al è pront a partî cuntune schirie di apontaments su grande part dal teritori regjonâl di Jugn a Lui. L’ultin event de anteprime di chest spazi viert sul mont de informazion, de creativitât leterarie e artistiche, al è previodût martars ai 30 aes 10 di matine al Auditorium dal Liceu classic di Gurize, dulà che si tignarà il prin apontament di “dialics a Scuele”, in colaborazion cun Mittelfest 2023 e il Pôl liceâl di Gurize. Intal incuintri titulât “Ogni destino è una scelta”, il diretôr artistic dal festival Giacomo Pedini al fasarà une lezion spetacul cun fruçons di spiegazions e dialics cui students. (A.I.) – 29.05.2023
