Dut plen intes cantinis, viertis par un dì in plui

“Cantine aperte” in Friûl-Vignesie Julie al à confermât il grant sucès, celebrant i prins 30 agns cun risultâts plui che bogns, ancje in graciis dal sprolungjament, pensât pai turiscj austriacs. Event di ecelence dal Movimento Turismo del Vino, si è dimostrât l’apontament plui spietât dai enoturiscj nazionâi e internazionâi. Di sabide ai 27 a lunis ai 29, a son stadis 78 lis cantinis de regjon che a àn viert lis puartis cun trê dîs plens di iniziativis: visitis, cercis, concierts e mostris. “Il Movimento Turismo del Vino – e sotlinee la presidente, Elda Felluga – al è stât la prime realtât taliane a crodi intes potenzialitâts dal enoturisim, ufrint apontaments dilunc di dut l’an. O sin une vore sodisfats di cheste edizion”. (A.I.) – 30.05.2023