Di Sala Aiace si jentre intal cûr de Argjentine

Sest e ultin apontament pal festival “Udine Castello” inmaneât dai Amîs de Musiche di Udin. Miercus ai 31, aes 5 dal dopomisdì in Sala Ajace, la Art Chamber Soloists Flirtango e puartarà il public intal cûr de Argjentine, cuntun program dal titul “Imagjins di Buenos Aires”. Il cuintet al sunarà musichis di Piazzolla, Juan Carlos Howard, Roberto Zerrillo e Cholo Montironi. Il Festival “Udine Castello” al fâs part de European Festival Association e al è organizât cu la poie di ents publics e privâts. (A.I.) – 30.05.2023