Dopo il debut di domenie ai 21 ae inaugurazion de mostre ‘Carne’ di Dieç, a son in program altris dôs ocasions par scoltâ “Requiem for the living”, la opare che il musicist american Dan Forrest al à componût intal 2013 e che la Corâl Panarie e la Corâl dal Roiâl a proponaran in dôs zornadis. Une colaborazion, chê des dôs corâls, che di timp e ufrìs al public programs di rilêf particolâr. La opare di Forrest e je un concentrât di energjie, ritmi e dolcece, che e rive al cûr di ducj e no dome dai apassionâts dal gjenar. E je une preiere pai muarts che, in cinc moviments, e conte il dolôr dai vîfs. Paolo Paroni e direzarà corâl, soliscj e musiciscj joibe al 1n di Jugn inte glesie di Sante Marie di Dartigne e doi dîs dopo inte glesie di Riçûl. (A.I.) – 30.05.2023
Preiere pai muarts cul dolôr dai vîfs
98