Il Friûl dai nonos contât dai nevôts

Il Premi “Fondazione Friuli scuole”, promovût de Fondazione Friuli pes scuelis, al à vût chest an tant che protagoniscj i students e lis studentessis des secondariis di prin grât di Tarcint, Pordenon e Cividât, che a àn incrosât la ricercje storiche cu lis vicendis familiârs. Insiemi a insegnants e amîs, si son cjatâts al Visionario di Udin par cjapâ il premi pai lôr lavôrs di ricercje fra storie dal teritori e memoriis familiârs: un gjeton di mil euro par cuistâ materiâl didatic. Il “Camillo di Gaspero” di Tarcint al à realizât une “storie dal Friûl” in sîs tapis fra passât, presint e futûr, il Convit “Paolo Diacono” di Cividât al à fat un video par proponi i zûcs che a fasevin di piçui i lôr nonos, e i students dal “Pasolini” di Pordenon a àn ripassât in forme multimediâl i moments plui impuartants de storie dal Friûl. (A.I.) – 31.05.2023