Sîs personis a son stadis denunziadis dopo di ancjetantis robariis fatis o tentadis in cualchi buteghe dal centri storic di Udin. Tra chescj, un talian di 22 agns, resident intune altre regjon, al è stât arestât e trasferît dai agjents inte preson di vie Spalato, in esecuzion di une ordenance di custodie cautelâr mandade fûr dal Gip dal Tribunâl de capitâl furlane.
Il zovin, ai 25 dal Mai passât, al jere stât arestât pe robarie ingriviade di une maiute e pe resistence ai agjents intervignûts sul puest.
Il Gip, in sede di validazion dal arest, viodude la esigjence cautelâr di impedî la reiterazion dal reât, al veve decidût di aplicâ la misure de improibizion di cjatâ cjase in ducj i comuns dal Friûl-Vignesie Julie. Jessint stade violade in maniere sistematiche, il judiç al à cussì disponût il peiorament de misure. (A.D.G.) – 12.06.2023
