Buri si conferme citât dai vins autoctons di cualitât, sierant cun numars record la sô nonantesime edizion de Fiere dai vins. Plui di 4 mil i cjaliçs di vin servîts dilunc de manifestazion plui antighe dal Friûl-Vignesie Julie. Inte Vile di Toppo-Florio a son stâts trê dîs (dai 9 ai 11 di Jugn) siôrs di avigniments e cun al centri plui di 160 vins autoctons dal Friûl-Vignesie Julie e dal rest di Italie. Inte zornade finâl, premiâts ancje i vincidôrs dal prin premi leterari nazionâl di Poesie e Narative “Di viti in vita – Poesie e vin tai cuei di Buri”.
“Une fin di setemane – al à declarât il president de Pro Loco Emilio Bardus – pardabon plen di avigniments, par chei o gracii di cûr i nestris volontaris pal timp donât, il Comun di Buri pe poie e i ents – Regjon in primis cun Cjamare di Cumierç di Pordenone-Udine, Fondazione Friuli e sponsor come Civibank – che a son stâts dongje. Insiemi ancje a Vinibuoni di Italia, al Comitât regjonâl Unpli e Citâts dal Vin o vin dât ancjemò une volte vite a une edizion di visâsi, soredut parcè che e jere chê dal nonantesim che in maniere ideâl nus bute cumò bande il centenari. Buri si conferme citât dai vins autoctons di cualitât”. (A.D.G.) – 12.06.2023
