A Tumieç si fevele di tutele dai scarpets

Un progjet dedicât ae tutele e ae valorizazion de culture popolâr e soredut di un savê antîc, inlidrisât a fuart ae storie dal teritori, fasintlu atuâl. Si clame “Scarpetti. I scarpets di Cjargne” il progjet di tutele dal patrimoni culturâl pe valorizazion de tradizion artesanâl e dal teritori, che al sarà presentât miercus ai 14 a misdì al Museo Gortani di Tumieç. La culture e devente in chest câs un motôr di imprese e creativitât par un progjet imprenditoriâl bon par dute la comunitât intun lûc, il Museu, che al sorepense la proprie mission e al devente ancje subiet atîf e propositîf pal benstâ. Intal cors dal incuintri a saran ilustradis lis azions di pueste e al sarà proietât un cine documentari cu lis testemoneancis di feminis cjargnelis. (A.I.) – 13.06.2023