126
Poste Italiane e cîr in Friûl-Vignesie Julie puarteletaris di meti a Pordenon, Udin, Gurize e Triest. I aspirants postins a puedin candidâsi dentri dai 15 di Jugn, metint il propri curriculum vitae su la pagjine web dal sît istituzionâl di Poste (https://www.posteitaliane.it, sezion “Carriere”).
I candidâts a saran assumûts cun contrat a timp determinât in relazion aes esigjencis aziendâls. Lis carateristichis domandadis pe candidature a son il possès di un diplome di scuele medie superiôr e patente di vuide in cors di validitât idonie pe vuide dai mieçs aziendâi.
Lis personis cjapadis si interessaran dal recapit postâl (pacs, letaris, bustis, racomandadis e v.i.) inte aree teritoriâl di lôr competence. (A.D.G.) – 13.06.2023
