Al tache il festival di musiche e nature intal bosc di Tarvis

Labirints di suns e tante musiche par arcs a “Risonanze”, il festival de musiche inte nature intai lûcs dal cûr di Malborghet-Valbrune e intal bosc di peçs di Tarvis. La rassegne si vierç joibe ai 15 cuntune cerce di Pancor, il pan realizât cu la scusse di peç dal cogo Stefano Basello, un amì dal festival. Inte zornade di viertidure ancje il conciert “Microcosmi sonori in Europa” di Meri Khojayan- Robert Poortinga, in program al Palaç Venezian di Malborghet. Fint a domenie ai 18, si previodin cuatri dîs di grande musiche cun ospits internazionâi, ma ancje di vite dentri tal bosc de Val Saisare, un lûc di art e di rigjenerazion. (A.I.) – 14.06.2023

Foto di F. Gallina