Al è di trê ferîts – un plui grâf – il belanç di un incident stradâl che al è sucedût aes siet e mieze di cheste matine dilunc dal Stradon che al condûs a Lignan, ae altece di Gorc di Tisane.
Il scuintri al à cjapât dentri trê machinis e al à causât la jessude di strade di une machine, finide dentri dal fossâl che al disfilie la Strade Regjonâl 354.
A ripuartâ lis feridis plui gravis propri il conducent di chest veicul, diliberât dal abitacul dome dopo l’intervent des Vuardiis dal fûc. Dopo lis primis curis, l’om al è stât trasferît in svol cul elisocors regjonâl al pront socors dal ospedâl di Udin, in cundizions seriis, ma stabil e cussient.
Traspuartâts al ospedâl di Tisane, invezit, chei altris doi automobiliscj coinvolts intal incident. Par lôr dome feridis lizeris. (A.D.G.) – 14.06.2023
