Festival Darte: la mont si met in rêt

Teritoris e comunitât, musiche, recitazion, micro-teatri, escursions e visitis vuidadis. La tierce edizion di “Darte”, festival di concierts slargjâts in Cjargne cun cunvignis e esperiencis condividudis tra ospits, residents e visitadôrs, si slargje e e met in rêt sîs comuns: Darte, Çurçuvint, Paulâr, Zui, Tumieç e Verzegnis. “E’ l’acqua che conta” al è il titul e il teme sielt de diretore artistiche Luisa Sello par cheste gnove edizion, che e presentarà 21 apontaments in variis localitâts dai 7 ai 9 e dai 14 ai 16 di Lui. I ospits a saran formazions di vari gjenar: soliscj, grups cun struments diviers, grups slargjâts, insiemis vocâi e corâls de Cjargne, dal Friûl, de Italie, ma ancje di Austrie, Slovenie, Bosgne Erzegovine. (A.I.) – 15.06.2023