Cuant che Pasolini al criticave in radio

Regjist, poete, scritôr, senegjatôr, gjornalist e un tra i plui grancj inteletuâi talians, Pier Paolo Pasolini al à pandût une versatilitât culturâl ecezionâl, che lu à puartât a jessi il miôr in tancj cjamps diferents, disfrutant ducj i mieçs a sô disposizion. Ancje la radio, che lu à viodût protagonist fin dai agns ’50, cuant che al à scomençât a partecipâ a cualchi program tant che ospit par criticâ il mont borghês! Vinars ai 16 aes 6.30 dopomisdì inte cunvigne “Pasolini radiofonico”, inmaneade de associazion Studio Giallo, si fevelarà di chest inte aziende Brojli di Aquilee cun Caterina Conti, autore di plui publicazions dedicadis al rapuart di Pasolini cul mieç radiofonic, e Gianni Torrenti, za assessôr regjonâl ae Culture. (A.I.) – 15.06.2023