Omaç a Luttazzi de Orchestre sinfoniche regjonâl

A cent agns de nassite, Triest e onore ancjemò Lelio Luttazzi, grant pianist, atôr, cjantant, diretôr di orchestre, condutôr pe radio e television, scritôr e regjist, cuntun conciert jazz speciâl intal parc dal Cjistiel di Miramare. Il conciert de Fvg Orchestra direte di Valter Sivilotti, “Ritorno a Trieste – Omaggio sinfonico a Lelio Luttazzi”, al met dongje i doi elements fondamentâi de vite dal artist: il jazz e la citât di Triest. Sul palc cu la orchestre, Daniela Spaletta ae vôs, Glauco Venier al piano e altris doi jazziscj innomenâts, Alfonso Deidda e Mirko Cisilino. (A.I.) – 21.06.2023“