Ephemera: daspò dal ‘lît segret’ a Mueç, il conciert in vignâl

Il ‘festival de culture imateriâl’ intitulât Ephemera al è partît za di une setemane, ma cumò si prepare a impiâ pardabon i rifletôrs su cualchidun dai lûcs plui sugjestîfs de regjon, lûcs naturâi di rare bielece. Il viaç metaforic des Prealps al mâr, ‘Viers Atlantide’, al è scomençât ae font cun “Ephemera al Pozzo”: une residence artistiche a Mueç e al so Poç, che fint a Lui al viôt i artiscj Elena Mazzi e Marco Stefanelli, intune cu la comunitât locâl, deventâ i protagoniscj de storie di un lît segret. Vinars ai 23, Ephemera si môf ancje intun vignâl, là dal Vigne Museum di Rosacis, pal conciert di Frances Marie Uitt, definide “la plui interessante violonceliste tal mont”. (A.I.) – 22.06.2023